جو تمہارا ہو گیا سو وہ ہمارا ہو گیا

غزل

 جو تمہارا ہو گیا سو وہ ہمارا ہو گیا

عشق میں سودا کیا تو سب خسارہ ہو گیا

کیا ہی اچھے دن ہوئے تھے ہم ترے پہلو میں تھے

رات زلفیں نیل آنکھیں کیا نظارہ ہو گیا

حسنِ جاناں پر فدا میں نے کب چاہا کہ ہوں 

لاکھ میں بچتا پھرا پر دل کا مارا ہو گیا

دیکھ کر کہتے ہیں بانکے آپ سا ہو جائیے 

ٹھوکریں کھاتا پھرے گا جو بیچارہ ہو گیا

کیا اسی کو عشق کہتی ہے ہماری نسلِ نو 

اوڑھ لیجے پیرہن عشق سارا ہو گیا

زندگی میں روشنی بس انہی کے دم سے تھے 

ہوگئے جب سے جدا بے سہارا ہوگیا

کس طرح سےآنکھ بھر ہم انہیں دیکھیں منیب

جس گھڑی دیکھا تو سمجھو رب کو پیارہ ہو گیا

منیب احمد عاصی

غزل

ہمیں کیا ہے کہ ہم بولیں

ہمیں دنیا سے کیا لینا

وفا ہے اسم اعظم پر 

مگر مطلب جفا لینا 

 تیری آنکھیں بتاتی ہیں 

تیرے اندر کی سب باتیں

تیری خواہش سمجھتا ہوں

جو کہتا ہے بھلا دینا 

میرا تو یہ سہارہ ہے

جو ہے بدنام تنہائی

نہ ہونا تم کبھی تنہا 

اگر ہونا صدا دینا 

کبھی اک پل میری خاطر

ستاروں میں کہیں تکنا

تمہیں گر یاد آؤں میں 

مجھے جاناں دعا دینا

 منیب احمد عاصی

سعد اللہ شاہ

💝 غزل

 چاند جب بام سے کہہ دیتا ہے اللہ حافظ! 

دل بھی ہر کام سے کہہ دیتا ہے اللہ حافظ!

گونجتے رہتے ہیں الفاظ مرے کانوں میں

تو تو آرام سے کہہ دیتا ہے اللہ حافظ!

کھینچتا رہتا ہے فنکار لکیریں اور پھر

صورتِ خام سے کہہ دیتا ہے اللہ حافظ!

کیا خبر تجھ کو گزرتی ہے مری شب کیسے

دل تو بس شام سے کہہ دیتا ہے اللہ حافظ!

کیا کہے کوئی کسی سے کہ اذیت کیا ہے

صید جب دام سے کہہ دیتا ہے اللہ حافظ!

سعد یہ حسن بھی کیا شے ہے کہ جب جی چاہے

عشقِ بے نام سے کہہ دیتا ہے اللہ حافظ!

(سعداللہ شاہ)

 عشق چاہت اور محبت کر لی

 ہوں پشیماں کہ غلطی کر لی

کیا یہ کافی نہیں تھا غیر کو تکنا

اب کے تم نے جو دوستی کر لی

بات کرتا ہے گر کروں میں تو

وہ بھی ایسے کہ دل لگی کر لی

ہوا ہے کیا کہ دن ڈھلے تم نے

اپنے آنگن میں شام سی کر لی

لوگ کہتے تھے مر نہیں جاتے

آپ میں نے ہی خود کشی کر لی

منیب احمد