 |
| شہباز ناصر |
نعتِ رسولِ مقبول
ہمارے دل کو بھاتا ہے محمد ﷺ نام ایسا ہے
ہمیں جو راس آتا ہے محمدﷺ نام ایسا ہے
سہارا جن کا دنیا میں نہیں کوٸی سنو لوگو
انہیں سینے لگاتا ہے محمد ﷺ نام ایسا ہے
نظر اس کی کبھی کمزور ہوتی ہی نہیں یارو
جو آنکھوں کو لگاتا ہے محمد ﷺ نام ایسا ہے
یقیں تم کو نہیں آتا تو آٶ میں دکھاتا ہوں
دلوں کو جگمگاتا ہے محمد ﷺ نام ایسا ہے
جہاں بھر میں نہیں آیا محمد ﷺ کا کوٸی ثانی
خدا سے جو ملاتا ہے محمد ﷺ نام ایسا ہے
درود ان پر جو پڑھتا ہوں کوٸی مشکل نہیں آتی
میری بگڑی بناتا ہے محمد ﷺ نام ایسا ہے
وہی جاتے ہیں روزے پر جنہیں آقا بلاتے ہیں
ہمیں زم زم پلاتا ہے محمد ﷺ نام ایسا ہے
میں اک ادنیٰ سا نوکر ہوں محمد ﷺ کے غلاموں میں
مجھے لکھنا سکھاتا ہے محمد ﷺ نام ایسا ہے
پڑھوں جب نعت میں ناصر زمانہ جھوم جاتا ہے
سبھی کو پاس لاتا ہے محمد ﷺ نام ایسا ہے
شہباز ناصر
No comments:
Post a Comment