عشق چاہت اور محبت کر لی

 ہوں پشیماں کہ غلطی کر لی

کیا یہ کافی نہیں تھا غیر کو تکنا

اب کے تم نے جو دوستی کر لی

بات کرتا ہے گر کروں میں تو

وہ بھی ایسے کہ دل لگی کر لی

ہوا ہے کیا کہ دن ڈھلے تم نے

اپنے آنگن میں شام سی کر لی

لوگ کہتے تھے مر نہیں جاتے

آپ میں نے ہی خود کشی کر لی

منیب احمد 

نعت رسول مقبول

عظمتِ مصطفی آپ کیا کیجئے 

لب کشائی نہیں التجا کیجئے

اے شہہ دوسرا انبیا اولیا
ہم پہ نظر کرم با خدا کیجئے

مالکِ انس و جاں میرے رب الاولی 
ہیں ازل سے ابد آپکو ہے بقا 

دیدِ پاکِ حرم روضئہ مصطفی
صدقہِ مصطفی اب عطا کیجئے 

حسن یوسف تو سب پر عیاں ہو گیا 
ذکر جنکا قرآن میں بیاں ہو گیا 

آپکے سامنے سب کہیں کھوگیا

 راز سے پردہ اب تو ہٹا دیجئے

والشمس والضحا آیتیں آگئیں
وجہہ تخلیق کل آپکی ماہ جبیں 

انجمن میں ہوئی آپسے روشنی
اے شفیع امم مسکرا دیجئے 

سجدۂِ عشق ہر دم ادا کیجئے

نام احمد سے ہر دم وفا کیجئے 

حرمت شاہِ کون و مکاں کیلئے 
دولتِ زر نہیں جاں فدا کیجئے

جو ہیں ختمِ نبوت کے منکر یہاں
چھپ رہیں وہ کہیں بھی نہ پائیں اماں

مرتدوں پر ہے لعنت ابد تک رہے
لعنتِ دوجہاں اور سوا کیجئے

بارِ عصیاں سے کیسے اٹھائیں گے سر 
کام بن جائے گا اٹھ گئی جو نظر 

ہم خطا کار عاصی ہیں فریاد کن 
کالی کملی میں آقا چھپا لیجئے 

منیب احمد عاصی

کیا عظمتِ سرکار ہے کیا شانِ مدینہ

 نعت رسول ﷺ

کیا عظمتِ سرکارﷺ ہے کیا شانِ مدینہ

سردارِ ملائک بھی ہیں دربانِ مدینہ 

مِل جائے تخیّل کو  ِضیا باری اگر تو

تا حشر کروں مِدحتِ سلطانِ مدینہﷺ

ہو جائے میسَّر کبھی طیبہ کا نگر تو

چُنتا پِھروں آنکھوں سے میں خارانِ مدینہ

مل جائے شِفا سب کو یہاں تیرے توسط 

ہم پر بھی ہو سرکار وہ بارانِ مدینہ 

بڑھ کر ہے مجھے خاک تیری خلد بریں سے

عاجز سے بیاں کیسے ہو ذیشانِ مدینہ

حسرت ہے مدینےکے گلی کوچوں میں احمؔد

رہ جاؤں میں بن کر وہیں مستانِ مدینہ

مل جائے شرف َمِدحتِ سرکارﷺ مجھے بھی

میں بھی یہ کہوں مجھ پہ ہے فیضانِ مدینہ

کہتے ہیں کہ جنت کو ہے اک رستہ زمیں پر

مدفن ہو میرا کاش  شبستانِ مدینہ

منیب احمد عاصی